थोडक्यात पण महत्त्वाचे
वेगाने वाढणाऱ्या औद्योगिक आणि आर्थिक शहर असलेल्या नागपूरमध्ये उच्च उत्पन्न गट आणि एनआरआय ग्राहकांसाठी संपत्ती सेवांचा विस्तार केला जाणार आहे.
नागपूर : एचएसबीसी इंडियाने आज नागपूर, महाराष्ट्र येथे आपली नवीन शाखा सुरू केली. यामुळे नागपूरसारख्या वेगाने विकसित होणाऱ्या औद्योगिक आणि आर्थिक शहरात बँकेची उपस्थिती अधिक मजबूत झाली आहे. ही 2026 मधील एचएसबीसी इंडियाची पहिली शाखा आहे. यापूर्वी, जानेवारी 2025 मध्ये भारतीय रिझर्व्ह बँकेच्या मंजुरीनंतर चार नवीन शाखा सुरू करण्यात आल्या होत्या. तसेच, देशातील महत्त्वाच्या शहरांमध्ये आणखी 20 शाखा सुरू करण्याची परवानगीही मिळाली आहे.
महाराष्ट्र हे भारतातील सर्वात मोठे अर्थव्यवस्थेचे राज्य असून गुंतवणूक, बँकिंग व्यवहार आणि जीएसटी संकलनात आघाडीवर आहे. शेती, उद्योग आणि सेवा या विविध क्षेत्रांमुळे राज्याची अर्थव्यवस्था मजबूत आहे. मुख्य मालवाहतूक मार्गांच्या जवळ असल्यामुळे नागपूर हळूहळू एक महत्त्वाचे आर्थिक आणि औद्योगिक केंद्र बनत आहे. येथे व्यापार, उत्पादन, लॉजिस्टिक्स आणि सेवा क्षेत्रात वेगाने वाढ होत आहे.
त्यामुळे उद्योग, गुंतवणूकदार मोठ्या प्रमाणात आकर्षित होत आहेत. या वाढीमुळे उद्योजकता, संपत्ती निर्माण व आंतरराष्ट्रीय संपर्कासाठी नवीन संधी निर्माण होत आहेत. एचएसबीसीच्या जागतिक नेटवर्क आणि आंतरराष्ट्रीय सेवांमुळे व्यवसायांना परदेशात विस्तार करण्यास मदत मिळू शकते. तसेच जागतिक दृष्टिकोन असलेल्या व्यक्ती आणि कुटुंबांनाही याचा फायदा होऊ शकतो.
उद्घाटनाबद्दल बोलताना, संदीप बत्रा, हेड – इंटरनॅशनल वेल्थ आणि प्रीमियर बँकिंग, एचएसबीसी इंडिया, म्हणाले, “नागपूरची प्रगती वेगाने होत आहे. येथे उद्योजकता वाढत आहे आणि भारत तसेच जगाशी आर्थिक संबंध मजबूत होत आहे. भारतातील आघाडीची आंतरराष्ट्रीय बँक म्हणून आम्ही आमच्या ग्राहकांना भारतात आणि परदेशात उपलब्ध संधींचा फायदा घेण्यासाठी आणि त्यांची उद्दिष्टे पूर्ण करण्यासाठी मदत करतो. नागपूरमधील ही नवीन शाखा म्हणजे ग्राहकांना त्यांच्या गरजेनुसार उत्तम बँकिंग सेवा देण्याच्या आमच्या प्रयत्नांचे प्रतीक आहे.”
शाखा सुरू करण्याच्या निमित्ताने, केंद्रीय रस्ते वाहतूक व महामार्ग मंत्री नितीन गडकरी यांनी एचएसबीसी इंडिया आणि कोरो इंडिया यांच्या अधिकाऱ्यांसोबत विदर्भात महिलांच्या उद्योजकतेला प्रोत्साहन देणाऱ्या समुदाय-आधारित प्रकल्पाचे उद्घाटन केले. हा प्रकल्प महाराष्ट्रातील एचएसबीसी इंडियाच्या चालू असलेल्या सीएसआर उपक्रमांचा भाग आहे. विदर्भात बँक विशेषतः आदिवासी समाजासाठी शाश्वत उपजीविकेच्या योजना राबवत आहे.
या उपक्रमाचा उद्देश समुदायाच्या मदतीने असा मॉडेल तयार करणे आहे, जो इतर ठिकाणीही सहजपणे लागू करता येईल. या कार्यक्रमात आदिवासी समाजात नेतृत्व विकसित करण्यावर भर दिला जात आहे, जेणेकरून सामाजिक बदल दीर्घकाळ टिकून राहतील आणि पुढेही वाढत राहतील.
या नवीन शाखेमुळे एचएसबीसी इंडियाचा देशातील विस्तार आणखी वाढत आहे. बँक आंतरराष्ट्रीय वेल्थ आणि प्रीमियर बँकिंग सेवांसोबतच कॉर्पोरेट आणि संस्थात्मक बँकिंग सेवाही अधिक मजबूत करत आहे.
एचएसबीसीला भारतात 170 वर्षांहून अधिक काळाचा अनुभव असून, ती आपल्या ग्राहकांना देशात आणि परदेशात त्यांच्या आर्थिक गरजा पूर्ण करण्यासाठी मदत करत आहे.
एचएसबीसी इंडियाने 2025 मध्ये अमृतसर, इंदूर, वडोदरा आणि लखनऊ येथे नवीन शाखा सुरू केल्या. तसेच, विस्तार योजनेअंतर्गत एचएसबीसी इंडिया भोपाल, भुवनेश्वर, देहरादून, फरीदाबाद, जालंधर, कानपूर, लुधियाना, म्हैसूर, नाशिक, नवी मुंबई, पटना, राजकोट, सूरत, तिरुवनंतपुरम आणि विशाखापट्टणम येथेही नवीन शाखा सुरू करण्याचा विचार करत आहे.
नागपूर शाखेचा पत्ता- एचएसबीसी इंडिया, प्लॉट नं. 2, पाखर कमर्शियल कॉम्प्लेक्स, युनिट नं. 101ए आणि 102बी, अप्पर ग्राउंड फ्लोअर, बारलिंगे लेआउट, खरे टाऊन, ट्रॅफिक पार्क रोड, धरमपेठ, नागपूर – 440010
नोट :
1. महाराष्ट्र आर्थिक सर्वेक्षण 2025-26
एचएसबीसी होल्डिंग्स पीएलसी बद्दल:
एचएसबीसी होल्डिंग्स पीएलसी ही एचएसबीसीची मूळ कंपनी असून तिचे मुख्यालय लंडन येथे आहे. एचएसबीसी 56 देश आणि प्रदेशांमध्ये आपल्या कार्यालयांद्वारे जगभरातील ग्राहकांना सेवा देते. 31 डिसेंबर 2025 पर्यंत बँकेची एकूण मालमत्ता US$ 3,233 अब्ज इतकी असून, ती जगातील मोठ्या बँकिंग आणि वित्तीय सेवा संस्थांपैकी एक आहे.
एचएसबीसी इंडिया बद्दल:
एचएसबीसी इंडिया 19 शहरांतील 31 शाखांमधून विविध बँकिंग आणि वित्तीय सेवा देते. परदेशात गुंतवणूक करणाऱ्या भारतीय कंपन्यांसाठी, तसेच भारतात येणाऱ्या परदेशी गुंतवणुकीसाठी व्यवहार आयोजित करण्यात बँक आघाडीवर आहे. एचएसबीसी भारतातील अग्रगण्य वित्तीय सेवा समूहांपैकी एक असून, देशात सुमारे 47,000 कर्मचारी बँकिंग, इन्व्हेस्टमेंट बँकिंग, कॅपिटल मार्केट्स, अॅसेट मॅनेजमेंट, इन्शुरन्स, सॉफ्टवेअर डेव्हलपमेंट आणि ग्लोबल ऑपरेशन्समध्ये कार्यरत आहेत. ही भारतातील एक अग्रगण्य कस्टोडियन बँक असून, ती ग्राहकांच्या गुंतवणुकीचे आणि संपत्तीचे संरक्षण आणि देखरेख करते.
0 Comments