शालिनीताई मेघे होमिओपॅथी हॉस्पिटल, कॉलेज आणि रिसर्च सेंटरला एनएबीएच आणि एनएबीएल मानांकन मिळाले

नागपूर, महाराष्ट्र, जून 2026 : शालिनीताई मेघे होमिओपॅथी हॉस्पिटल, कॉलेज आणि रिसर्च सेंटर (एसएमएचएचसीआरसी), वानाडोंगरी, नागपूर यांनी नॅशनल अॅक्रेडिटेशन बोर्ड फॉर हॉस्पिटल्स अँड हेल्थकेअर प्रोव्हायडर्स (एनएबीएच) चे एंट्री लेव्हल मानांकन तसेच नॅशनल अॅक्रेडिटेशन बोर्ड फॉर टेस्टिंग अँड कॅलिब्रेशन लॅबोरेटरीज (एनएबीएल) चे मानांकन मिळवून एक महत्त्वपूर्ण यश प्राप्त केले आहे. यामुळे होमिओपॅथी वैद्यकीय शिक्षण आणि आरोग्यसेवेत उच्च दर्जाची आणि गुणवत्तापूर्ण आरोग्यसेवा देण्याचा एक नवा मापदंड निर्माण झाला आहे. 

2024–25 या शैक्षणिक वर्षात स्थापन झालेल्या एसएमएचएचसीआरसी या संस्थेने अतिशय कमी कालावधीत हे प्रतिष्ठित मानांकन मिळवले आहे. हे यश संस्थेच्या गुणवत्तापूर्ण आरोग्यसेवा, रुग्णांची सुरक्षा, उत्कृष्ट उपचार सेवा आणि प्रयोगशाळेतील उच्च दर्जा राखण्याच्या सातत्यपूर्ण प्रयत्नांचे प्रतीक आहे.

एनएबीएच (नॅशनल अॅतक्रेडिटेशन बोर्ड फॉर हॉस्पिटल्स अँड हेल्थकेअर प्रोव्हायडर्स) ही मान्यता दर्शवते की रुग्णालयाने रुग्णसेवा, सुरक्षितता, आरोग्यसेवा पद्धती आणि रुग्णालय व्यवस्थापनासाठी राष्ट्रीय स्तरावर ठरवलेल्या मानकांचे पालन केले आहे. एनएबीएल (नॅशनल अॅडक्रेडिटेशन बोर्ड फॉर टेस्टिंग अँड कॅलिब्रेशन लॅबोरेटरीज) ही मान्यता संस्थेच्या प्रयोगशाळा सेवांची गुणवत्ता, विश्वासार्हता आणि क्षमता याची खात्री देते.  

हे यश केवळ संस्थेसाठीच नाही तर संपूर्ण विदर्भ प्रदेशासाठीही अभिमानाची गोष्ट आहे. एसएमएचएचसीआरसी ही विदर्भातील अशा काही अग्रगण्य होमिओपॅथी संस्थांपैकी एक ठरली आहे, जिने एनएबीएच आणि एनएबीएल ही दोन्ही मान्यता मिळवल्या आहेत. यामुळे आरोग्यसेवा, शिक्षण आणि संशोधन क्षेत्रातील उत्कृष्टतेबद्दल संस्थेची बांधिलकी स्पष्ट होते.

या यशासाठी ज्यांनी योगदान दिले, त्या सर्वांचे संस्थेच्या व्यवस्थापनाने मनापासून आभार मानले. विशेषतः प्राध्यापक, वैद्यकीय अधिकारी, नर्सिंग स्टाफ, प्रयोगशाळा कर्मचारी, प्रशासकीय कर्मचारी आणि सहाय्यक कर्मचारी यांच्या मेहनत, टीमवर्क आणि गुणवत्तापूर्ण सेवेसाठीच्या समर्पणाचे कौतुक करण्यात आले.

संस्थेच्या नेतृत्व टीमने दिलेल्या दूरदृष्टी, सातत्यपूर्ण मार्गदर्शन आणि योग्य दिशेमुळेच मजबूत गुणवत्ता प्रणाली उभी राहिली आणि हे राष्ट्रीय स्तरावरील मानांकन मिळवणे शक्य झाले, असेही संस्थेने नमूद केले आहे.

या प्रसंगी व्यवस्थापनाने सांगितले की हे यश संस्थेसाठी एका नव्या उत्कृष्टतेच्या प्रवासाची सुरुवात आहे. तसेच समाजाच्या हितासाठी दर्जेदार होमिओपॅथी आरोग्यसेवा, वैद्यकीय शिक्षण आणि संशोधनाच्या अधिक चांगल्या संधी उपलब्ध करून देण्याचे संस्थेचे ध्येय अधिक मजबूत झाले आहे.