मागणीत वाढ होत असतानाही इंडियन ऑइल कडून पेट्रोल, डिझेल आणि एलपीजीचा अखंड पुरवठा सुरू !

31 मे 2026: सद्यस्थितीतील भू-राजकीय परिस्थिती असूनही, इंडियनऑइल देशभरातील आपल्या विस्तृत टर्मिनल्स, डेपो, पाइपलाईन्स, एलपीजी बॉटलिंग प्लांट्स आणि रिटेल आउटलेट्सच्या नेटवर्कद्वारे पेट्रोल (एमएस), डिझेल (एचएसडी) आणि एलपीजीची अखंड उपलब्धता सुनिश्चित करण्यासाठी कार्यरत असून लॉजिस्टिक्सचे समन्वय सुरू ठेवत आहे. 

तसेच, इंधनाचा सुरळीत पुरवठा सुनिश्चित करण्यासाठी राज्य प्रशासनाशी जवळून समन्वय साधला जात आहे. पुरवठा पथके, वाहतूक व्यवस्था, टर्मिनल ऑपरेशन्स आणि निवडक रिटेल आउटलेट्स बाजारपेठांमध्ये उत्पादनांची अखंड हालचाल आणि वेळेवर पुनर्भरण सुनिश्चित करण्यासाठी चोवीस तास कार्यरत आहेत.

इंडियनऑइलने घरगुती एलपीजीचा 100 टक्के पुरवठा सुनिश्चित केला असून, पुरवठा आणि मागणी या दोन्ही बाजूंवर अनेक तर्कसंगत उपाययोजना आधीच अंमलात आणल्या आहेत. यामध्ये रिफायनरी उत्पादनात वाढ करणे, शहरी भागांमध्ये बुकिंगमधील अंतर 21 दिवसांवरून 25 दिवस करणे तसेच ग्रामीण भागांमध्ये ते 45 दिवसांपर्यंत वाढविणे आणि पुरवठ्यासाठी विविध क्षेत्रांना प्राधान्य देणे यांचा समावेश आहे.

व्यावसायिक एलपीजीसाठी रुग्णालये आणि शैक्षणिक संस्थांना प्राधान्य देण्यात आले आहे. याशिवाय औषधनिर्मिती, स्टील, ऑटोमोबाईल, बियाणे, कृषी इत्यादी क्षेत्रांनाही प्राधान्याने पुरवठा करण्यात येत आहे. याशिवाय, स्थलांतरित कामगारांसाठी 5 किलो एफटीएल चा पुरवठा 2 आणि 3 मार्च 2026 रोजीच्या सरासरी दैनंदिन पुरवठ्याच्या तुलनेत दुप्पट करण्यात आला आहे.

अलिकडच्या काही दिवसांत, इंडियनऑइलने महाराष्ट्र राज्यातील 35 जिल्ह्यांपैकी 20 जिल्ह्यांमध्ये रिटेल आउटलेट्सवर डिझेलची मागणी सामान्य कार्यकारी वाढीच्या तुलनेत लक्षणीयरीत्या जास्त असल्याचे पाहिले आहे, काही ठिकाणी ही वाढ 30 टक्क्यांहून अधिक आहे. इंडियनऑइल रिटेल आउटलेट्समधील या वाढीचे कारण खासगी रिटेल आउटलेट्समधून विक्रीचे स्थलांतर आणि बल्क व्यवसायाचे रिटेल आउटलेट्सकडे वळणे असल्याचे नमूद करण्यात आले आहे. 

भारत सरकारने राज्य सरकारे आणि केंद्रशासित प्रदेशांना विशेष पथके स्थापन करून किरकोळ ग्राहकांसाठी असलेल्या पुरवठ्याचा गैरवापर करणारे बल्क ग्राहक, साठेबाज, काळाबाजार करणारे, अनधिकृत साठा करणारे आणि पेट्रोलियम उत्पादनांचे वळवण करणाऱ्यांविरुद्ध आवश्यक वस्तू कायदा (ईसी ऍक्ट) आणि त्याअंतर्गत जारी करण्यात आलेल्या नियंत्रण आदेशांनुसार कारवाई करण्याचे निर्देश दिले आहेत. तसेच, उद्योग संघटनांना त्यांच्या सदस्यांना अधिकृत खरेदी माध्यमांद्वारेच डिझेल खरेदी करण्याचा सल्ला देण्याची विनंती करण्यात आली आहे.

इंडियनऑइल ग्राहकांना आश्वस्त करू इच्छिते की देशभरात पेट्रोल, डिझेल आणि एलपीजीचा पुरेसा साठा उपलब्ध आहे आणि सुरळीत व अखंड पुरवठा राखण्यासाठी सर्व आवश्यक उपाययोजना करण्यात येत आहेत.

नागरिकांनी नेहमीप्रमाणेच खरेदी सुरू ठेवावी आणि घाबरून जाऊन अतिरिक्त खरेदी टाळावी. इंधन उपलब्धतेसंदर्भातील अचूक माहितीसाठी ग्राहकांनी केवळ इंडियनऑइलद्वारे जारी करण्यात आलेल्या अधिकृत माहितींवरच विश्वास ठेवावा.