नागपूर : गर्भधारणा आणि पालकत्वाचा प्रवास हा आयुष्यातील एक खास आणि आनंद देणारा असला, तरी या काळात कुटुंबाच्या मनात अनेक प्रश्न, चिंता असतात. त्यामुळे योग्य माहिती आणि मार्गदर्शन मिळणे खूप गरजेचे असते. आई आणि बाळाची काळजी ही केवळ बाळाच्या जन्माच्या दिवसापुरती मर्यादित नसते, हे लक्षात घेऊन वोक्हार्ट हॉस्पिटल्स, नागपूर यांनी विशेष कार्यक्रमाचे आयोजन केले.
या कार्यक्रमात हॉस्पिटलमध्ये बाळाला जन्म दिलेल्या मातांनी आपल्या बाळांसह सहभाग घेतला. तसेच गर्भवती महिला आणि कुटुंब सुरू करण्याचा विचार करणाऱ्या जोडप्यांनाही या कार्यक्रमात सहभाग घेतला. या कार्यक्रमाचा उद्देश अगदी साधा आणि महत्त्वाचा होता. वोक्हार्ट हॉस्पिटल्समध्ये बाळाचा जन्म झाल्यानंतर हॉस्पिटलची जबाबदारी संपत नाही, तर आई-वडील होण्यापासून ते पालकत्वाच्या संपूर्ण प्रवासात कुटुंबाला योग्य माहिती, मार्गदर्शन आणि सहकार्य दिले जाते, हा संदेश कुटुंबांपर्यंत पोहोचवणे हा या कार्यक्रमाचा मुख्य उद्देश होता.
या कार्यक्रमात तज्ज्ञ डॉक्टरांच्या टीमने सहभाग घेतला. गर्भधारणेपूर्वी, गर्भधारणेदरम्यान आणि प्रसूतीनंतर महिला व जोडप्यांना भेडसावणाऱ्या सामान्य प्रश्नांवर आणि चिंतांवर तज्ज्ञांनी मार्गदर्शन केले. या पॅनेलमध्ये स्त्रीरोग व प्रसूतीतज्ज्ञ डॉ. शेफाली चव्हाण, बालरोगतज्ज्ञ डॉ. निरव पटेल आणि फिटल मेडिसिन तज्ज्ञ डॉ. सना नाडकर्णी-मालिये यांचा समावेश होता.
पॅनेल चर्चेदरम्यान डॉक्टरांनी माता आणि बाळाच्या आरोग्याशी संबंधित विविध विषयांवर सोप्या भाषेत आणि प्रत्यक्ष उपयोगी मार्गदर्शन केले. यामध्ये पौष्टिक आहार घेणे, गर्भावस्थेत योग्य व्यायाम करून शारीरिकदृष्ट्या सक्रिय राहणे, मानसिक आणि शारीरिक आरोग्याची काळजी घेणे तसेच गर्भावस्थेच्या वेगवेगळ्या टप्प्यांमध्ये आई आणि बाळाच्या बदलत्या गरजा समजून घेणे यावर विशेष भर देण्यात आला.
बाळाचे नियोजन करणाऱ्या जोडप्यांसाठी तज्ज्ञांनी गर्भधारणेपूर्वीच योग्य तयारी करणे आणि निरोगी सवयी अंगीकारणे किती महत्त्वाचे आहे, हे सांगितले. गर्भवती महिलांना योग्य आहार, योग्य शारीरिक हालचाल, नियमित वैद्यकीय तपासणी आणि गर्भावस्थेत घ्यावयाच्या आवश्यक काळजीबाबत मार्गदर्शन करण्यात आले. नव्या मातांना आणि त्यांच्या कुटुंबीयांना प्रसूतीनंतरची आईची काळजी, नवजात बाळाचे आरोग्य आणि बाळाची काळजी घेताना आईच्या आरोग्याकडेही लक्ष देणे याबाबत महत्त्वाची माहिती देण्यात आली.
या संवादात्मक चर्चेमुळे सहभागी महिलांना आणि जोडप्यांना प्रत्येक गर्भधारणेचा अनुभव वेगळा असतो, हे समजण्यास मदत झाली. तसेच योग्य वेळी डॉक्टरांचा सल्ला घेतल्यास गर्भधारणा आणि पालकत्वाचा प्रवास अधिक आत्मविश्वासाने आणि योग्य माहितीच्या आधारे पूर्ण करण्यास कुटुंबांना मदत होते, याची जाणीवही झाली.
वोक्हार्ट हॉस्पिटल्स, नागपूर येथे रुग्णांवर उपचार करण्यासोबतच त्यांच्यासाठी आणि त्यांच्या कुटुंबासाठी असे वातावरण तयार करण्यावरही भर दिला जातो, जिथे त्यांना चांगली काळजी, योग्य माहिती आणि मार्गदर्शन मिळते आणि त्यांचे म्हणणेही लक्षपूर्वक ऐकून घेतले जाते. या कार्यक्रमातही हीच भावना दिसून आली. आरोग्याशी संबंधित माहिती देण्यासोबतच कार्यक्रमात आनंद, आराम आणि एकमेकांशी संवाद साधण्याचे सुंदर क्षणही अनुभवायला मिळाले.
कार्यक्रमात मनोरंजनाचा भाग म्हणून सहभागींसाठी विविध मजेदार खेळ आणि संवादात्मक उपक्रम आयोजित करण्यात आले होते. यामुळे कुटुंबीयांना काही वेळ निवांतपणे घालवता आला, एकमेकांशी संवाद साधता आला आणि पालकत्वाच्या सुंदर प्रवासाचा आनंद साजरा करता आला. यासोबतच विशेष पॅम्परिंग सेशनचे आयोजन करण्यात आले होते. त्यामुळे नवीन माता आणि गर्भवती महिलांना काही वेळ स्वतःसाठी देऊन आराम करण्याची आणि आनंदाचे क्षण अनुभवण्याची संधी मिळाली.
वोक्हार्ट हॉस्पिटल्समध्ये प्रसूती झालेल्या माता आपल्या बाळांसह या कार्यक्रमात सहभागी झाल्याने कार्यक्रमाला विशेष आपुलकीची आणि भावनिक जोड मिळाली. त्यांच्या सहभागातून हॉस्पिटल आणि कुटुंबांमधील नाते केवळ गर्भधारणा आणि प्रसूतीपुरते मर्यादित नसून, त्यानंतरच्या आयुष्यातही हे नाते आणि सहकार्य कायम राहते, हे अधोरेखित झाले.
या उपक्रमाबाबत बोलताना हॉस्पिटलने सांगितले की, मातृत्वाची काळजी ही केवळ प्रसूतीच्या एका दिवसापुरती किंवा एका घटनेपुरती मर्यादित नसावी. हा एक सतत सुरू राहणारा प्रवास आहे. या प्रवासात वैद्यकीय तज्ज्ञांचे मार्गदर्शन, भावनिक आधार, योग्य माहिती आणि आपुलकीची गरज असते. या कार्यक्रमाच्या माध्यमातून पालकत्वाच्या प्रवासातील तीन महत्त्वाचे टप्पे — बाळाचे नियोजन, प्रसूतीची तयारी आणि प्रसूतीनंतर आई व बाळाची काळजी एकाच मंचावर आणण्यात आले.
या उपक्रमाबाबत बोलताना वोक्हार्ट हॉस्पिटल्स, नागपूरचे सेंटर हेड डॉ. सौरभ नागर यांनी सांगितले, “वोक्हार्ट हॉस्पिटल्समध्ये आमचे लक्ष केवळ बाळाच्या जन्मापर्यंत मर्यादित नाही. गर्भावस्थेपासून बाळाच्या जन्मानंतरपर्यंत आई, बाळ आणि संपूर्ण कुटुंबाची काळजी घेणे आणि त्यांना मदत करणे यावर आमचा भर असतो.”
जागरूकता, तज्ज्ञांचे मार्गदर्शन, संवाद आणि आनंददायी अनुभव यावर भर देणाऱ्या या उपक्रमाचा उद्देश कुटुंबांना योग्य माहितीच्या आधारे निर्णय घेण्यासाठी सक्षम करणे आणि गर्भधारणा व पालकत्वाचा प्रवास अधिक आत्मविश्वासाने पूर्ण करण्यास मदत करणे हा होता. कारण वोक्हार्ट हॉस्पिटल्समध्ये बाळाच्या जन्मासोबत हा प्रवास संपत नाही तर, तिथूनच काळजी घेण्याच्या एका नव्या प्रवासाची सुरुवात होते.
0 Comments