वोक्हार्ट हॉस्पिटल्स, नागपूर येथे आयटीपी रुग्णावर यशस्वी की-होल शस्त्रक्रिया; रुग्णाच्या प्रकृतीत उत्तम सुधारणा !

नागपुर : वोक्हार्ट हॉस्पिटल्स, नागपूर येथे नुकतेच 50 वर्षीय पुरुष रुग्णावर लेप्रोस्कोपिक (की-होल) स्प्लेनेक्टॉमी शस्त्रक्रिया करण्यात आली. ही शस्त्रक्रिया यशस्वी ठरली असून रुग्णाची प्रकृती चांगल्या प्रकारे आणि लवकर सुधारली आहे. आधुनिक आणि कमी चिरांची शस्त्रक्रिया रुग्णांसाठी कशी फायदेशीर ठरत आहे, हे या घटनेतून दिसून येते.

रुग्णाला इडिओपॅथिक थ्रोम्बोसाइटोपेनिक पुरपुरा (आयटीपी) हा रक्ताचा आजार असल्याचे निदान झाले होते. या आजारात प्लेटलेट्सची संख्या कमी होते, त्यामुळे रक्तस्रावाचा धोका वाढतो. शस्त्रक्रियेच्या वेळी रुग्णाची प्लेटलेट्स संख्या सुमारे 60,000 होती. त्यामुळे शस्त्रक्रियेसाठी काळजीपूर्वक नियोजन, अनुभवी भूलतज्ज्ञांचे सहकार्य तसेच शस्त्रक्रियेपूर्वी आणि नंतर सतत निरीक्षण करणे आवश्यक होते.

सविस्तर तपासणीनंतर डॉ. अंकुर मिश्रा, कन्सल्टंट लेप्रोस्कोपिक आणि मिनिमल इनवेसिव्ह सर्जन यांच्या नेतृत्वाखालील शस्त्रक्रिया विभागाने लेप्रोस्कोपिक स्प्लेनेक्टॉमी शस्त्रक्रिया करण्याचा निर्णय घेतला. या आधुनिक पद्धतीत मोठी चीर न देता, छोट्या चिरांमधून कॅमेरा आणि सूक्ष्म उपकरणांच्या मदतीने प्लीहा काढली जाते. त्यामुळे शस्त्रक्रियेनंतर वेदना कमी होतात आणि रुग्ण लवकर बरा होतो.  

ही शस्त्रक्रिया यशस्वीपणे पार पडली असून रुग्णाची प्रकृती अतिशय चांगल्या प्रकारे सुधारली. शस्त्रक्रियेनंतर केवळ 6 तासांत रुग्ण चालू लागला, तर 12 तासांनंतर तोंडावाटे आहार सुरू करण्यात आला. सुरक्षिततेच्या दृष्टीने रुग्णाला काही वेळ निरीक्षणासाठी आयसीयूमध्ये ठेवण्यात आले. दोन दिवसांनंतर त्याला वॉर्डमध्ये हलवण्यात आले. त्यानंतर रुग्णाची तब्येत चांगली सुधारली, दुखणे कमी झाले आणि कोणतीही गंभीर गुंतागुंत दिसून आली नाही. 

ही केस आयटीपी सारख्या आजार असलेल्या रुग्णांसाठी लेप्रोस्कोपिक (की-होल) शस्त्रक्रिया किती फायदेशीर आहे हे दाखवतो. लहान चिरांमुळे वेदना कमी होतात, रुग्ण लवकर चालू-फिरू शकतो, लवकर आहार घेऊ शकतो, गुंतागुंत कमी होते आणि रुग्णालयात राहण्याचा कालावधीही कमी होतो. त्यामुळे रुग्ण लवकर आपल्या दैनंदिन जीवनात परतू शकतो.

सर्जिकल तंत्रज्ञान, अॅरनेस्थेसिया आणि अतिदक्षता उपचारांतील प्रगतीमुळे, वोक्हार्ट हॉस्पिटल, नागपूर, उच्च जोखमीच्या रुग्णांनाही सुरक्षित आणि आरामदायक उपचार देत आहे. ही यशस्वी लेप्रोस्कोपिक (की-होल) प्लीहा काढण्याची शस्त्रक्रिया दाखवते की आधुनिक की-होल शस्त्रक्रिया सुरक्षित, प्रभावी आणि रुग्णासाठी फायदेशीर आहे, ज्यामुळे रुग्ण लवकर बरा होतो आणि जीवनमान सुधारते.