मराठी ZEE5 ओरिजनल सिरीज 'देवखेळ'मध्ये अंकुश चौधरी आणि प्राजक्ता माळी झळकणार, स्ट्रीमिंग सुरू

थोडक्यात पण महत्वाचे

चंद्रकांत लता गायकवाड दिग्दर्शित आणि निखिल पालांडे तसेच गौरव रेळेकर लिखित, कोकणी लोककथांपासून प्रेरित,गूढ निर्मिती करणारा मानसशास्त्रीय गुन्हेगारी थरारपट; आता खास मराठी ZEE5वर स्ट्रीमिंग सुरू 

31 जानेवारी 2026 : ZEE5चा नवीन मराठी ओरिजनल देवखेळचे स्ट्रीमिंग आता केवळ मराठी ZEE5वर सुरू होत आहे. चित्तवेधक मानसशास्त्रीय गुन्हेगारी थरारपटाची ही मालिका कोकणातील समृद्ध लोकपरंपरेतून प्रेरणा घेते आणि शिमगा (होळी) सणाच्या उत्कंठावर्धक पार्श्वभूमीवर श्रद्धा, भीती आणि मानवी विवेक यांच्या नाजूक भावनांचा शोध घेते.

रत्नागिरी जिल्ह्यातील देवतालीच्या किनारपट्टीवरील गावावर आधारित, देवखेळचे कथानक एका थरारक परिस्थितीभोवती गुंफले आहे. दरवर्षी, होळी पौर्णिमेच्या रात्री एक मृत्यू होतो. कथा-कल्पनेत रमणारे गावकरी या मृत्यूंचे श्रेय शंकासुरला देतात. शंकासूर हे न्यायाचे प्रतीक म्हणून स्थानिक पातळीवर पूजले जाणारे एक पौराणिक लोक व्यक्तिमत्व आहे. जसजसे विधी सखोल होत जातात आणि विश्वास तर्कावर मात करू लागतो, तसतसे मौन हा जगण्याचा एक मार्ग बनतो. भय लोककथांच्या आड पिढ्यांनपिढ्या सत्य दडपून राहते.

दंतकथा हा हेतू म्हणून स्वीकारण्यास नकार देणाऱ्या इन्स्पेक्टर विश्वास सरंजामेच्या एंट्रीने कथेला निर्णायक वळण लागते. काळजीपूर्वक लपवून ठेवलेल्या गुन्ह्याचा तपास करत असताना, देवखेळ विश्वास आणि तर्कशास्त्र, परंपरा आणि सत्य यांच्यातील तणावपूर्ण मानसिक लढाई सुरू करतो. या मालिकेत इन्स्पेक्टर विश्वास सरंजामेच्या भूमिकेत अंकुश चौधरीसह, प्राजक्ता माळी, यतीन कार्येकर, अरुण नलावडे, वीणा जामकर आणि मंगेश देसाई यांच्या प्रमुख भूमिका आहेत.

प्रीमियरपूर्वी, मुंबईत देवखेळच्या स्पेशल प्रिव्ह्यूचे आयोजन करण्यात आले. ज्यात मुख्य कलाकारमंडळी म्हणजे अंकुश चौधरी, प्राजक्ता माळी, शिवानी रांगोळे आणि सुबोध भावे यांच्यासह मराठी चित्रपटसृष्टीतील अनेक प्रमुख चेहरे उपस्थित होते. प्रेक्षकांना शंकासुराच्या जगात पूर्णपणे बुडवून टाकल्याने हे प्रदर्शन यशस्वी ठरले. उत्सवांच्या काळात एक विशिष्ट स्थानिक स्पर्श जोडत, विशेष ब्रँडेडदेवखेळ-ZEE5 ऑटोरिक्षा प्रमुख आकर्षण ठरली. ही ऑटोरिक्षा मालिकेच्या खोलवर रुजलेल्या परंतु लक्षवेधी सौंदर्याला प्रतिबिंबित करते.

मालिका आणि प्रेक्षकांचा प्रतिसाद या दोन्हींबद्दल आपले विचार मांडताना अंकुश चौधरी म्हणाला, “देवखेळही कलाकृती रहस्यापेक्षा खूप अधिक आहे. विश्वास, भीती, शांतता आणि निवड यांना कशापद्धतीने आकार देतात याचा हा शोध आहे. विश्वास सरंजामे हे पात्र तर्कशास्त्र तसेच पुराव्यावर ठामपणे उभे राहते. तरीही ते श्रद्धा आणि शतकानुशतके जुन्या परंपरांचा पगडा असलेल्या जगाचा शोध घेते. स्क्रिनिंगदरम्यान माझ्या मनात विचार डोकावला; इथे असलेले प्रेक्षक किती गुंतून राहील; कथा कशी लक्षवेधक ठरेल. त्यांची शांतता बोलकी वाटली. ही सिरीज जरी लोककथांनी प्रेरित असली तरी ती केंद्रस्थानी असलेल्या मानवी मानसशास्त्र आणि नैतिक संघर्षाचा शोध घेते. इतका भक्कम, सकारात्मक प्रतिसाद पाहून मला खात्री पटली की कथा तिच्या मांडणीच्या पलीकडे खोलवर जोडली गेली आहे.”

या सिरीजमध्ये महत्त्वाची भूमिका साकारणारी प्राजक्ता माळी पुढे म्हणाली, “देवखेळ’ला भावनिक वास्तववाद इतका आकर्षक बनवतो. हे समुदाय, विधी आणि भीती यांचे सहअस्तित्व कसे आहे आणि लोक अघोषित सत्य कशी जपून ठेवतात हे दर्शवते. कथानक हे लोककथांपासून प्रेरित असले तरी, ती एक काल्पनिक कथा आहे. ही कथा अंतर्गत संघर्ष आणि मानवी भावनांचा शोध घेण्यासाठी मिथकाचा पार्श्वभूमी म्हणून वापर करते. प्रेक्षकांसोबत पहिले काही भाग पाहतानाभावूक झाले होते. त्यांची उत्सुकता, सहभाग आणि भावनिक संबंध अनुभवता आला. सांस्कृतिकदृष्ट्या रुजलेल्या परंतु मानसिक अंग असलेल्या सिरीजचा भाग होणे हा खरोखरच समृद्ध करणारा अनुभव आहे.”

उत्कंठावर्धक कोकणाच्या पार्श्वभूमीवरील मांडणी, लक्षवेधी कथाकथन आणि सूक्ष्म सादरीकरणासह, देवखेळ एक आकर्षक काल्पनिक कथा सादर करते. हे कथासूत्र विश्वासाची शक्ती आणि निर्विवाद भीतीची किंमत तपासते. ते प्रेक्षकांना दडवून ठेवलेले सत्य शोधण्याचे, प्रश्न विचारण्याचे आणि खुलाशाकरिता आमंत्रित करते.

'देवखेळ’चे खास स्ट्रीमिंग आता मराठी ZEE5 वर सुरू