नागपूर, एप्रिल , 2026 : महिलांच्या आरोग्य सेवेत मोठी प्रगती करत, नागपूर येथील मैक्स सुपर स्पेशालिटी हॉस्पिटलमध्ये अत्याधुनिक (व्हजायनल नॅचरल ओरिफिस ट्रान्सल्युमिनल एंडोस्कोपिक सर्जरी) vNOTES तंत्रज्ञानाचा वापर करून दोन गुंतागुंतीच्या स्त्रीरोग शस्त्रक्रिया यशस्वीपणे करण्यात आल्या. या पद्धतीमुळे शरीरावर कोणताही डाग पडत नाही आणि रुग्ण लवकर बरे होतात.
vNOTES ही कमी आघाताची (मिनिमली इन्व्हेसिव) आधुनिक शस्त्रक्रिया पद्धत आहे, जी नैसर्गिक योनीमार्गातून केली जाते. त्यामुळे पोटावर कोणताही काप करण्याची गरज पडत नाही. या पद्धतीमध्ये उच्च-गुणवत्तेचा कॅमेरा आणि विशेष साधनांचा वापर केला जातो, ज्यामुळे डॉक्टर अचूक आणि सुरक्षितपणे शस्त्रक्रिया करू शकतात. यामुळे शरीरावर कुठलाही डाग राहत नाही. या पद्धतीमुळे रुग्णांना वेदना कमी होतात, हॉस्पिटलमध्ये कमी दिवस राहावे लागतात आणि रुग्ण लवकर आपल्या दैनंदिन कामांमध्ये परत येऊ शकतात. पारंपारिक ओपन किंवा सामान्य लॅप्रोस्कोपिक शस्त्रक्रियेच्या तुलनेत ही पद्धत अधिक सुरक्षित आणि फायदेशीर ठरते.
नागपूर येथील मैक्स सुपर स्पेशालिटी हॉस्पिटलमध्ये ही पद्धत वेगवेगळ्या वैद्यकीय गरजा असलेल्या दोन रुग्णांवर यशस्वीपणे वापरण्यात आली. नव्याने सुरू केलेला vNOTES प्रोग्राम डॉ. मुग्धा जुंगारी गिल (प्रिन्सिपल कन्सल्टंट, स्त्रीरोग व प्रसूती विभाग) आणि डॉ. साक्षी बंसल (सीनियर कन्सल्टंट, स्त्रीरोग व प्रसूती विभाग) यांच्या नेतृत्वाखाली त्यांच्या टीमद्वारे राबवला जात आहे.
या केसेसबद्दल माहिती देताना डॉ. मुग्धा जुंगारी गिल यांनी सांगितले, “पहिल्या केसमध्ये 33 वर्षांच्या महिलेला एक वर्षापासून पोटदुखीचा त्रास होत होता. तपासणीत तिच्या अंडाशयात सुमारे 12 सेमी संत्र्यासारख्या आकाराची एक मोठी गाठ (सिस्ट) आढळली. तिची मुख्य चिंता ही भविष्यात मातृत्व (प्रजनन क्षमता टिकवून ठेवणे) जपणे आणि पोटावर डाग न पडणे ही होती. आम्ही vNOTES पद्धतीचा वापर करून ती गाठ यशस्वीरित्या काढली, त्यामुळे पोटावर कोणताही डाग पडला नाही आणि रुग्ण लवकर बरी झाली. दुसऱ्या केसमध्ये, 50 वर्षांच्या महिलेला तीन वर्षांहून अधिक काळ मासिक पाळीत जास्त रक्तस्रावाचा त्रास होत होता.
तपासणीत तिचा गर्भाशय मोठा असल्याचे दिसून आले, त्यामुळे गर्भाशय काढण्याची शस्त्रक्रिया (हिस्टरेक्टॉमी) करणे तसेच दोन्ही फॅलोपीयन ट्यूब्स आणि अंडाशय काढणे आवश्यक होते. ही शस्त्रक्रिया देखील vNOTES तंत्रज्ञान वापरून पोटावर कोणताही काप न करता करण्यात आली. शस्त्रक्रियेनंतर रुग्णाची तब्येत चांगली झाली आणि फॉलो-अपमध्येही ती निरोगी आढळली.
या तंत्रज्ञानाबद्दल अधिक माहिती देत, डॉ. साक्षी बंसल यांनी सांगितले:“ही पद्धत विशेषतः तरुण आणि अविवाहित महिलांसाठी खूप फायदेशीर आहे, कारण त्यांना पोटावर दिसणारे डाग टाळता येतात. पारंपारिक शस्त्रक्रियेच्या तुलनेत, vNOTES मुळे रुग्ण लवकर बरे होतात, वेदना कमी होतात आणि गुंतागुंतही कमी असते. बहुतेक रुग्ण 24 तासांत घरी जाऊ शकतात. तसेच, या तंत्रामुळे शस्त्रक्रियेच्या वेळी स्पष्ट दिसते, त्यामुळे शस्त्रक्रिया अधिक सुरक्षित आणि अचूक होते.”
या पुढाकाराद्वारे, मैक्स सुपर स्पेशालिटी हॉस्पिटलचे उद्दिष्ट मध्य भारतातील महिलांना जागतिक दर्जाचे, कमी आघाताचे आणि डाग न पडणारे स्त्रीरोग उपचार अधिक सहजपणे उपलब्ध करून देणे आहे.
0 Comments