थोडक्यात पण महत्त्वाचे
• वोक्हार्ट हॉस्पिटल्सने आंतरराष्ट्रीय नर्सेस दिनानिमित्त नर्सिंग स्टाफचा सन्मान करत आठवडाभर चालणारा कार्यक्रम आयोजित केला.
• विविध ठिकाणांवरील 950 पेक्षा जास्त नर्सेसनी काळजी, सहानुभूती आणि उत्कृष्ट वैद्यकीय सेवांचा उत्सव साजरा करणाऱ्या कार्यक्रमात सहभाग घेतला.
नागपूर (12 मे 2026) : वोक्हार्ट हॉस्पिटल्सने मिरा रोड, मुंबई सेंट्रल, राजकोट आणि नागपूर येथील त्यांच्या सर्व शाखांमध्ये आठवडाभर विविध कार्यक्रम आयोजित करून आंतरराष्ट्रीय नर्सेस दिन साजरा केला. या निमित्ताने हॉस्पिटलने नर्सिंग कर्मचाऱ्यांचे समर्पण, करुणा आणि उत्कृष्ट वैद्यकीय कामगिरीचा सन्मान केला. या उपक्रमात 950 पेक्षा जास्त नर्सेस सहभागी झाल्या. या प्रसंगी वोक्हार्ट हॉस्पिटल्सने ‘एम्प्लॉई असिस्टन्स प्रोग्राम’ (EAP) सुरू करण्याचीही घोषणा केली.
या कार्यक्रमाचा उद्देश नर्सिंग कर्मचाऱ्यांसाठी मानसिकदृष्ट्या सुरक्षित आणि सकारात्मक कामाचे वातावरण तयार करणे हा आहे. तसेच कठीण प्रसंगांमध्ये मदत आणि ताण-तणावाचे व्यवस्थापन, आणि सतत जनजागृती उपक्रमांद्वारे नर्सिंग कर्मचाऱ्यांच्या कल्याणासाठी आवश्यक सहाय्य प्रणाली उपलब्ध करून देण्यात येणार आहे.
“अवर नर्सेस. अवर फ्युचर. एम्पावर्ड नर्सेस सेव लाइव्ह्स” या आंतरराष्ट्रीय नर्सेस दिन 2026 च्या थीमनुसार हा उपक्रम आयोजित करण्यात आला. या उपक्रमातून हॉस्पिटलने हॉस्पिटलने नर्सिंग कर्मचाऱ्यांचे कौशल्य अधिक मजबूत करण्यासाठी सतत प्रशिक्षण, सन्मान आणि चांगले कामाचे वातावरण यावर भर दिला.
950 हून अधिक नर्सेसनी विविध कार्यक्रमांमध्ये सहभाग घेतला. या कार्यक्रमांचा उद्देश टीमवर्क वाढवणे, नवीन कल्पनांना प्रोत्साहन देणे आणि नर्सेसचे शारीरिक व मानसिक आरोग्य सुधारणे होता.
या कार्यक्रमाची सुरुवात एकत्रित समारंभाने झाली. यामध्ये सर्व नर्सेसनी मिळून वोक्हार्ट अँथम गायले आणि नर्सिंग शपथ घेतली. यामधून रुग्णसेवेबद्दलची त्यांची सामूहिक जबाबदारी आणि समर्पण दिसून आले. तसेच वरिष्ठ नर्सिंग अधिकाऱ्यांचा त्यांच्या उत्कृष्ट कामगिरीसाठी आणि सातत्यपूर्ण योगदानासाठी सन्मान करण्यात आला.
आठवडाभर चाललेल्या या कार्यक्रमात विविध उपक्रमांचे आयोजन करण्यात आले, ज्यामध्ये खालील गोष्टींचा समावेश होता:
• “माय पेशंट, माय आयडिया” स्पर्धा – रुग्णसेवेत नवीन कल्पना आणण्यासाठी
• “नर्सिंग गॉट टॅलेंट” – क्लिनिकल कामाव्यतिरिक्त नर्सेसची कला आणि सर्जनशीलता दाखवण्यासाठी
• झुंबा सत्र – शारीरिक आणि मानसिक आरोग्य सुधारण्यासाठी
• रील बनवण्याची स्पर्धा – आरोग्यविषयक जनजागृतीसाठी
• सांस्कृतिक कार्यक्रम – विविधता आणि टीम स्पिरिट साजरे करण्यासाठी
या उपक्रमांमुळे नर्सेसना त्यांच्या दैनंदिन कामातून थोडा वेळ काढून एकत्र येण्याची आणि विविध उपक्रमांमध्ये सहभागी होण्याची संधी मिळाली. यामुळे टीममधील एकोपा वाढला आणि परस्पर आदर व सहकार्याची भावना अधिक मजबूत झाली. दीर्घकाळ सेवा देणाऱ्या नर्सेसचा हॉस्पिटल प्रशासनाने सुवर्ण नाणे देऊन सन्मान केला. रुग्णसेवेसाठी दिलेल्या त्यांच्या सातत्यपूर्ण आणि समर्पित योगदानाची दखल घेत हा गौरव करण्यात आला.
श्रीमती जहाबीया खोराकीवाला, मॅनेजिंग डायरेक्टर, वोक्हार्ट हॉस्पिटल्स म्हणाल्या:“वोक्हार्टमध्ये आमच्या नर्सेस दर्जेदार आणि सातत्यपूर्ण रुग्णसेवा देण्यात महत्त्वाची भूमिका बजावतात. त्यांच्या व्यावसायिक प्रगतीसाठी आम्ही नियमित प्रशिक्षण, मार्गदर्शन आणि नवीन गोष्टी शिकण्याच्या संधी उपलब्ध करून देण्यास कटिबद्ध आहोत. तसेच त्यांच्या एकूणच आरोग्य आणि कल्याणावरही आम्ही विशेष लक्ष देतो.”
डॉ. पराग रिंदानी, सीईओ, वोक्हार्ट हॉस्पिटल्स म्हणाले:“नर्सेसची भूमिका केवळ वैद्यकीय कामांपुरती मर्यादित नसते, तर त्या रुग्णांच्या अनुभव आणि उपचारांच्या परिणामांमध्ये महत्त्वाची भूमिका बजावतात. त्यांची कौशल्ये, संवेदनशीलता आणि कठीण परिस्थितीत काम करण्याची क्षमता आमच्या आरोग्यसेवेसाठी अत्यंत महत्त्वाची आहे. त्यामुळे आम्ही त्यांच्या प्रगतीसाठी आणि योगदानाच्या सन्मानासाठी सतत चांगल्या सुविधा आणि संधी निर्माण करत आहोत.”
श्री. अमिया साहू, ग्रुप सीएचआरओ, वोक्हार्ट हॉस्पिटल्स म्हणाले: ‘एम्प्लॉई असिस्टन्स प्रोग्राम’ (EAP) सुरू करणे हे आमच्या संस्थेमधील कर्मचाऱ्यांच्या आरोग्य आणि कल्याणासाठी एक महत्त्वाचे पाऊल आहे. तणाव व्यवस्थापन, गंभीर प्रसंगांमध्ये मदत आणि सतत जागरूकता उपक्रमांच्या माध्यमातून आम्ही असे मानसिकदृष्ट्या सुरक्षित कार्यस्थळ तयार करू इच्छितो, जिथे आमचे आरोग्यसेवा कर्मचारी सुरक्षित, आत्मविश्वासाने आणि सक्षमपणे आपले काम करू शकतील.”
डॉ. सौरभ नागर, सेंटर हेड, वोक्हार्ट हॉस्पिटल्स, नागपूर म्हणाले: “नर्सेस या शांतपणे काम करणाऱ्या खऱ्या हिरो आहेत, ज्या रुग्णांच्या अत्यंत कठीण आणि भावनिक क्षणांमध्ये त्यांच्या सोबत उभ्या राहतात. वोक्हार्ट हॉस्पिटल्स नागपूरमध्ये आम्हाला आमच्या नर्सिंग कर्मचाऱ्यांचा खूप अभिमान आहे. त्यांच्या समर्पित आणि संवेदनशील सेवेमुळे अनेक रुग्णांच्या आयुष्यात सकारात्मक बदल घडतो. या आंतरराष्ट्रीय नर्सेस दिवसानिमित्त आम्ही त्यांच्या अथक सेवेला सलाम करतो.”
श्रीमती चारुलता बालापुरे, नर्सिंग हेड, वोक्हार्ट हॉस्पिटल्स म्हणाल्या:“आमच्या नर्सिंग टीम्स रुग्णसेवेच्या केंद्रस्थानी आहेत. त्या सातत्याने उत्कृष्ट वैद्यकीय सेवा, संवेदनशीलता आणि कठीण परिस्थितीतही धैर्य दाखवतात. त्यांना असे कामाचे वातावरण मिळणे आवश्यक आहे जिथे त्यांना आधार मिळेल, त्यांचा सन्मान होईल आणि त्या आत्मविश्वासाने रुग्णसेवेत महत्त्वाचे योगदान देऊ शकतील.”
या उपक्रमाद्वारे वोक्हार्ट हॉस्पिटल्सने नर्सेसना केवळ रुग्णांची सेवा करणाऱ्या व्यक्ती म्हणून नव्हे, तर भविष्यातील आरोग्यसेवा अधिक सक्षम आणि प्रगत बनवण्यात महत्त्वाची भूमिका बजावणारे घटक म्हणून मान्यता देण्याची आपली बांधिलकी पुन्हा स्पष्ट केली.
0 Comments