डीएमआयएचईआरच्या डॉ. तृप्ती वाघमारे यांना एएमईई कडून प्रतिष्ठेचा एफएएमईई सन्मान !

नागपुर : दत्ता मेघे इन्स्टिट्यूट ऑफ हायर एज्युकेशन अँड रिसर्च (डीएमआयएचईआर) यांच्या कार्यकारी संचालक – गुणवत्ता हमी (शैक्षणिक उत्कृष्टता) डॉ. तृप्ती वाघमारे यांना एएमईई– इंटरनॅशनल असोसिएशन फॉर हेल्थ प्रोफेशन्स एज्युकेशन तर्फे प्रतिष्ठेचा फेलो ऑफ एएमईई (एफएएमईई) हा आंतरराष्ट्रीय सन्मान मिळाल्याबद्दल संस्थेच्या वतीने हार्दिक अभिनंदन करण्यात आले.

जगातील सुमारे 90 देशांतील आरोग्य शिक्षण क्षेत्रातील तज्ज्ञांचे प्रतिनिधित्व करणारी एएमईई ही संस्था आरोग्य शिक्षणातील उत्कृष्टतेसाठी कार्य करणाऱ्या अग्रगण्य संस्थांपैकी एक आहे.

एफएएमईई हा अत्यंत प्रतिष्ठेचा आणि निवडक आंतरराष्ट्रीय सन्मान असून, कठोर तज्ज्ञ मूल्यांकन प्रक्रियेनंतर दहा वर्षांहून अधिक काळ आरोग्य शिक्षण क्षेत्रात सातत्यपूर्ण आणि उल्लेखनीय योगदान देणाऱ्या व्यक्तींना दिला जातो. भारतातील केवळ काही निवडक शिक्षणतज्ज्ञांना हा प्रतिष्ठित सन्मान प्राप्त झाला आहे.

डॉ. तृप्ती वाघमारे यांचा हा सन्मान त्यांच्या आरोग्य शिक्षण क्षेत्रातील शैक्षणिक उत्कृष्टतेप्रती असलेल्या समर्पणाचा आणि नाविन्यपूर्ण कार्याचा गौरव आहे. त्यांच्या या यशामुळे इन्स्टिट्यूट ऑफ हायर एज्युकेशन अँड रिसर्च (डीएमआयएचईआर) समुदायाला प्रचंड अभिमान वाटत आहे.

या जागतिक स्तरावरील प्रतिष्ठेच्या सन्मानाबद्दल डॉ. तृप्ती वाघमारे यांचे मनःपूर्वक हार्दिक अभिनंदन!