थोडक्यात पण महत्त्वाचे
या रुग्णालयात भारतातील पहिले सिंगल-पोर्ट सर्जिकल रोबोट, प्रगत रोबोटिक शस्त्रक्रिया, एआय आधारित निदान सुविधा आणि आधुनिक वैद्यकीय तंत्रज्ञान उपलब्ध असेल
नागपूर, महाराष्ट्र | 21 ऑक्टोबर 2026 : न्यूएरा हॉस्पिटल्सच्या वर्धमान नगर, नागपूर येथील 300 बेडच्या प्रमुख रुग्णालयाचे उद्घाटन 23 ऑक्टोबर 2026 रोजी माननीय श्री. देवेंद्र फडणवीस यांच्या हस्ते होणार आहे. मध्य भारतातील आधुनिक आरोग्यसेवेच्या क्षेत्रातील हा एक महत्त्वाचा टप्पा ठरणार आहे. रुग्णालयातील वैद्यकीय सुविधा आणि आधुनिक तंत्रज्ञानाची माहिती देण्यासाठी आयोजित पत्रकार परिषदेनंतर, न्यूएरा हॉस्पिटल्सने आपली योजना जाहीर केली. या मध्ये आधुनिक वैद्यकीय तंत्रज्ञान, प्रगत निदान सुविधा, रोबोटच्या मदतीने केल्या जाणाऱ्या शस्त्रक्रिया आणि विविध विशेष वैद्यकीय सेवा एकाच ठिकाणी उपलब्ध करून दिल्या जाणार आहेत.
हे नवीन रुग्णालय नागपूर आणि संपूर्ण विदर्भातील लोकांना आधुनिक तंत्रज्ञानाच्या मदतीने, रुग्णांच्या गरजांना प्राधान्य देणारी प्रगत आरोग्यसेवा उपलब्ध करून देण्यासाठी उभारण्यात येत आहे. तसेच, विशेष उपचार आणि शस्त्रक्रियांसाठी रुग्णांना विदर्भाबाहेर जाण्याची गरज कमी होण्यास मदत होणार आहे.
भारतातील पहिल्या सिंगल-पोर्ट सर्जिकल रोबोटसह प्रगत रोबोटिक शस्त्रक्रिया : अचूक उपचारांचे नवे पर्व
वर्धमान नगर येथील या रुग्णालयाचे एक प्रमुख वैशिष्ट्य म्हणजे येथे उपलब्ध होणाऱ्या प्रगत रोबोटिक शस्त्रक्रिया सुविधा. यामध्ये सिंगल-पोर्ट रोबोटिक शस्त्रक्रिया आणि मल्टी-पोर्ट रोबोटिक शस्त्रक्रिया या दोन्ही सुविधांचा समावेश असेल.
सिंगल-पोर्ट रोबोटिक शस्त्रक्रिया ही कमी चिरा देऊन शस्त्रक्रिया करण्याच्या आधुनिक पद्धतीतील एक प्रगत सुविधा आहे. या पद्धतीत योग्य त्या शस्त्रक्रियांसाठी केवळ एका ठिकाणाहून उपकरणे शरीरात टाकून शस्त्रक्रिया करता येते. न्यूएरा हॉस्पिटल्सने ही सुविधा आशियातील एक महत्त्वाचे पाऊल म्हणून सादर केली आहे. तसेच, मध्य भारतात रोबोटच्या मदतीने केल्या जाणाऱ्या प्रगत शस्त्रक्रिया अधिकाधिक रुग्णांपर्यंत पोहोचवण्यासाठी मल्टी-पोर्ट रोबोटिक तंत्रज्ञानही उपलब्ध करून देण्यात येणार आहे.
या तंत्रज्ञानामुळे योग्य त्या शस्त्रक्रियांमध्ये अधिक अचूकतेने उपचार करणे, शरीरातील आतील भागांचे स्पष्ट दृश्य मिळवणे आणि शस्त्रक्रियेदरम्यान उपकरणांवर अधिक चांगले नियंत्रण ठेवणे शक्य होऊ शकते. मात्र, उपचारांचे फायदे, बरे होण्यासाठी लागणारा वेळ आणि ही शस्त्रक्रिया रुग्णासाठी योग्य आहे की नाही, हे रुग्णाची स्थिती, शस्त्रक्रियेचा प्रकार आणि डॉक्टरांच्या तपासणीवर अवलंबून असेल.
आधुनिक निदान सुविधा
वर्धमान नगर येथील या रुग्णालयात आजारांचे अचूक निदान करण्यासाठी, उपचारांबाबत योग्य निर्णय घेण्यासाठी आणि वेळेवर उपचार सुरू करण्यासाठी आधुनिक निदान तंत्रज्ञान उपलब्ध असेल.
या आधुनिक सुविधांमध्ये पुढील तंत्रज्ञानाचा समावेश आहे:
- पूर्णपणे डिजिटल आणि एआय तंत्रज्ञानावर आधारित 3T एमआरआय (3T MRI): या आधुनिक एमआरआय यंत्राच्या मदतीने विविध आजारांची सविस्तर तपासणी करता येईल. तसेच, एआय तंत्रज्ञानामुळे तपासणी प्रक्रियेत मदत होणार आहे.
- पूर्णपणे डिजिटल आणि एआय तंत्रज्ञानावर आधारित 256 स्लाइस सीटी स्कॅन: या आधुनिक सीटी स्कॅन यंत्राच्या मदतीने शरीराच्या आतील भागांची सविस्तर तपासणी करता येईल. विविध आजारांचे निदान आणि त्यांचे मूल्यांकन करण्यासाठी या तंत्रज्ञानाचा उपयोग होईल.
- होलॉजिक 3डी मॅमोग्राफी: स्तनांच्या तपासणीसाठी या आधुनिक तंत्रज्ञानाचा वापर केला जाईल. स्तनांच्या आरोग्याचे मूल्यांकन करण्यास आणि संशयास्पद बदल आढळल्यास त्यांची तपासणी करण्यास यामुळे मदत होईल. या सर्व आधुनिक निदान सुविधांमुळे आजार लवकर ओळखणे, रुग्णाच्या स्थितीची सविस्तर तपासणी करणे आणि योग्य उपचारांचे नियोजन करणे शक्य होणार आहे.
एआय तंत्रज्ञानाच्या मदतीने अतिदक्षता विभाग आणि ऑपरेशन थिएटरमध्ये रुग्णांवर देखरेख ठेवण्याची सुविधा
या रुग्णालयात ऑपरेशन थिएटर आणि अतिदक्षता विभागात (आयसीयू) 24 तास एआय तंत्रज्ञानाच्या मदतीने रुग्णांवर देखरेख ठेवण्याची सुविधाही असेल. यामुळे रुग्णांच्या स्थितीवर आणि त्यांच्या आरोग्याशी संबंधित महत्त्वाच्या बाबींवर सतत लक्ष ठेवता येईल. अतिदक्षता विभाग आणि शस्त्रक्रियेच्या प्रक्रियेत या तंत्रज्ञानाचा वापर केल्यामुळे रुग्णांच्या स्थितीतील महत्त्वाचे बदल ओळखणे आणि वेळेवर वैद्यकीय तपासणी करणे शक्य होईल. मात्र, ही यंत्रणा डॉक्टर आणि वैद्यकीय कर्मचाऱ्यांना मदत करण्यासाठी असेल. ती तज्ज्ञ डॉक्टरांच्या अनुभवाची, निर्णयांची किंवा उपचारांची जागा घेणार नाही.
रोबोटिक फिजिओथेरपी आणि प्रगत पुनर्वसन सुविधा
वर्धमान नगर येथील रुग्णालयात रोबोटिक फिजिओथेरपीची सुविधाही उपलब्ध करून दिली जाणार आहे. यामुळे रुग्णांना बरे होण्यासाठी आणि पुन्हा सामान्य जीवन सुरू करण्यासाठी आधुनिक तंत्रज्ञानाच्या मदतीने उपचार घेता येतील.
रोबोटिक पुनर्वसन सुविधेमुळे रुग्णांना त्यांच्या आजारानुसार ठरावीक हालचाली योग्य मार्गदर्शनाखाली वारंवार करण्यास मदत होईल. रुग्णाची स्थिती आणि त्याच्या पुनर्वसनाची गरज लक्षात घेऊन या उपचारांचा वापर केला जाईल. तज्ज्ञ फिजिओथेरपिस्टचे मार्गदर्शन आणि रुग्णाच्या गरजेनुसार तयार केलेल्या उपचार योजनांसोबत या सुविधेमुळे काही रुग्णांना बरे होण्याच्या प्रक्रियेत मदत होऊ शकते.
नवीन रुग्णालयामागील उद्देश स्पष्ट करताना न्यूएरा हॉस्पिटल्सचे व्यवस्थापकीय संचालक आणि सहसंस्थापक डॉ. आनंद संचेती म्हणाले, “आरोग्यसेवेच्या क्षेत्रात वेगाने बदल होत आहेत. या बदलांमुळे रुग्णांचे निदान, उपचार आणि बरे होण्याच्या प्रक्रियेत खरोखर सुधारणा होईल, अशा आधुनिक सुविधा रुग्णांना उपलब्ध करून देणे ही आमची जबाबदारी आहे. वर्धमान नगर येथील रुग्णालयात आम्ही प्रगत रोबोटिक शस्त्रक्रिया, आधुनिक निदान सुविधा आणि तंत्रज्ञानाच्या मदतीने रुग्णांवर देखरेख ठेवण्याची व्यवस्था एकाच ठिकाणी उपलब्ध करून देत आहोत. आधुनिक तंत्रज्ञान, वैद्यकीय तज्ज्ञांचे कौशल्य, रुग्णांप्रती संवेदनशीलता आणि त्यांच्या आरोग्याची काळजी यांचा समन्वय साधणारे आरोग्यसेवेचे केंद्र उभारणे, हे आमचे उद्दिष्ट आहे.”
न्यूएरा हॉस्पिटल्सचे संचालक आणि सहसंस्थापक तसेच न्यूरोसर्जरी विभागाचे प्रमुख डॉ. निलेश अग्रवाल म्हणाले, “वर्धमान नगर येथील रुग्णालयात सिंगल-पोर्ट आणि मल्टी-पोर्ट रोबोटिक शस्त्रक्रिया सुविधा सुरू होणे, हे या भागातील रुग्णांसाठी उपलब्ध होणाऱ्या शस्त्रक्रिया सुविधांच्या दृष्टीने एक महत्त्वाचे पाऊल आहे. रोबोटच्या मदतीने केल्या जाणाऱ्या शस्त्रक्रियांमध्ये योग्य त्या रुग्णांसाठी डॉक्टरांना शरीरातील भाग अधिक स्पष्टपणे पाहणे, अधिक अचूकतेने शस्त्रक्रिया करणे आणि शस्त्रक्रियेच्या उपकरणांवर चांगले नियंत्रण ठेवणे शक्य होते. यामुळे कमी चिरा देऊन शस्त्रक्रिया करण्याच्या पद्धतींना मदत मिळते. एआय तंत्रज्ञानावर आधारित 3T एमआरआय आणि 256-स्लाइस सीटी स्कॅन यांसारख्या आधुनिक निदान सुविधांमुळे डॉक्टरांना रुग्णाच्या स्थितीचे अधिक चांगले मूल्यांकन करून योग्य उपचारांचे नियोजन करता येईल. या सर्व सुविधांच्या माध्यमातून रुग्णांना सर्वसमावेशक उपचार देण्याचा आमचा प्रयत्न आहे. या आधुनिक तंत्रज्ञानाचा रुग्णांना प्रत्यक्ष वैद्यकीय फायदा व्हावा, तसेच रुग्णांची सुरक्षितता आणि त्यांच्यासाठी योग्य उपचारांची निवड यांना सर्वोच्च प्राधान्य मिळावे, यावर आमचा भर असेल.”
रुग्णालयाच्या वैद्यकीय सेवांमध्ये आधुनिक तंत्रज्ञानाची भूमिका स्पष्ट करताना, न्यूएरा हॉस्पिटल्सचे संचालक व सहसंस्थापक आणि इंटरव्हेन्शनल कार्डिओलॉजी विभागाचे प्रमुख डॉ. निधीश मिश्रा म्हणाले, “न्यूएरा हॉस्पिटल्सच्या वर्धमान नगर येथील रुग्णालयात हृदयविकारांचे निदान आणि उपचार अधिक प्रभावीपणे करण्यासाठी आधुनिक हृदय तपासणी सुविधा आणि तंत्रज्ञानावर आधारित वैद्यकीय सेवा एकाच ठिकाणी उपलब्ध करून दिल्या जात आहेत. यातील एक महत्त्वाचे वैशिष्ट्य म्हणजे आधुनिक 256-स्लाइस सीटी स्कॅन तंत्रज्ञान. या यंत्राच्या मदतीने कमी वेळेत सीटी स्कॅन करता येतो. तसेच, हृदयाला रक्तपुरवठा करणाऱ्या रक्तवाहिन्यांची अँजिओग्राफीद्वारे प्रतिमा सुमारे 21 सेकंदांत मिळवता येते. योग्य रुग्णांमध्ये या तंत्रज्ञानामुळे शरीरात कोणतीही उपकरणे न घालता हृदयाच्या रक्तवाहिन्यांमध्ये आजार आहे का, याची तपासणी करण्यास मदत होऊ शकते. त्यानुसार पुढील उपचारांबाबत योग्य निर्णय घेता येतो. हृदयरोग तज्ज्ञांचे मार्गदर्शन, वेळेवर तपासणी आणि आधुनिक इमेजिंग सुविधांच्या मदतीने हृदयविकार लवकर ओळखणे आणि निदानापासून उपचारांपर्यंतची प्रक्रिया अधिक सुलभ करणे, हा आमचा उद्देश आहे. या आधुनिक सुविधांमुळे नागपूर आणि विदर्भातील रुग्णांना सर्वसमावेशक हृदयविकार उपचार उपलब्ध करून देण्याचा आमचा प्रयत्न आहे.”
नागपुरातील आरोग्यसेवेचे भविष्य घडविण्याच्या दिशेने महत्त्वाचे पाऊल
रोबोटिक शस्त्रक्रिया, आधुनिक निदान सुविधा, एआय तंत्रज्ञानाच्या मदतीने रुग्णांच्या प्रकृतीवर लक्ष ठेवण्याची व्यवस्था आणि तंत्रज्ञानाच्या सहाय्याने पुनर्वसन उपचार अशा विविध सुविधांचा समावेश असलेले न्यूएरा हॉस्पिटल्सचे वर्धमान नगर येथील रुग्णालय हे या भागातील आरोग्यसेवेचे भविष्य घडविण्याच्या दिशेने एक महत्त्वाचे पाऊल ठरणार आहे. आधुनिक वैद्यकीय तंत्रज्ञानासोबत अनुभवी डॉक्टरांची टीम, रुग्णांना सर्वसमावेशक उपचार आणि विशेष वैद्यकीय सेवा सहज उपलब्ध करून देण्याची बांधिलकी या उपक्रमातून अधिक मजबूत होत आहे. न्यूएरा हॉस्पिटल्स ‘उपचारातून आरोग्य’ (केयर दैट क्योर) या आपल्या मार्गदर्शक तत्त्वानुसार आरोग्यसेवेच्या क्षेत्रात पुढे वाटचाल करत आहे.
न्यूएरा हॉस्पिटल्सविषयी
न्यूएरा हॉस्पिटल्स हा विविध वैद्यकीय सेवा देणारा आरोग्यसेवा समूह आहे. रुग्णांना आधुनिक तंत्रज्ञानाच्या मदतीने, त्यांच्या गरजांनुसार आणि वैद्यकीय पुराव्यांवर आधारित उपचार देण्यावर या हॉस्पिटलचा भर आहे. वैद्यकीय उपचारांमधील गुणवत्ता, रुग्णांप्रती संवेदनशीलता आणि नवनवीन तंत्रज्ञानाचा वापर ही या हॉस्पिटलची प्रमुख वैशिष्ट्ये आहेत. नागपूरमधील लकडगंज, छत्रपती चौक, रामदासपेठ आणि वर्धमान नगर, नवी मुंबईतील वाशी तसेच तळेगाव येथे या समूहाची रुग्णालये आणि आरोग्यसेवा केंद्रे आहेत. महाराष्ट्रासह इतर भागांतील लोकांनाही दर्जेदार आरोग्यसेवा उपलब्ध करून देण्याचे या समूहाचे उद्दिष्ट आहे.
अनुभवी डॉक्टर, कुशल नर्सिंग कर्मचारी, आधुनिक वैद्यकीय तंत्रज्ञान आणि अद्ययावत आरोग्य सुविधांच्या मदतीने न्यूएरा हॉस्पिटल्समध्ये विविध प्रकारचे वैद्यकीय उपचार आणि शस्त्रक्रिया केल्या जातात. यामध्ये मेंदूविकार आणि मज्जासंस्थेशी संबंधित आजार, हृदयरोग आणि हृदय शस्त्रक्रिया, रोबोटिक फिजिओथेरपी, आपत्कालीन उपचार आणि अपघातग्रस्त रुग्णांवरील उपचार, अतिदक्षता सेवा, अंतर्गत औषधोपचार, हाडांचे विकार आणि सांधेबदल शस्त्रक्रिया, जनरल व लॅप्रोस्कोपिक शस्त्रक्रिया, पचनसंस्थेचे विकार, मूत्रपिंडाचे आजार, मूत्रविकार, कर्करोग उपचार, फुफ्फुसांचे आजार, प्रसूती आणि स्त्रीरोग सेवा, माता व बालसंगोपन, बालरोग, कान-नाक-घसा विकार, नेत्ररोग, त्वचारोग, पुनर्वसन, आधुनिक निदान व वैद्यकीय इमेजिंग सुविधा आणि प्रतिबंधात्मक आरोग्य तपासणी यांचा समावेश आहे. या सुविधा संबंधित रुग्णालयात उपलब्ध असलेल्या वैद्यकीय विभागांनुसार दिल्या जातात.
रुग्णांना एकाच ठिकाणी विविध तज्ज्ञांच्या मदतीने सर्वसमावेशक उपचार मिळावेत, यासाठी न्यूएरा हॉस्पिटल्स प्रयत्नशील आहे. रुग्णांची सुरक्षितता, उपचारांचा दर्जा आणि योग्य उपचारांची निवड यांना प्रत्येक टप्प्यावर प्राधान्य दिले जाते. रुग्णालयात उपचार देण्यासोबतच आजारांना प्रतिबंध करण्यासाठी आणि नागरिकांमध्ये आरोग्याविषयी जागरूकता निर्माण करण्यासाठी न्यूएरा हॉस्पिटल्स विविध उपक्रम राबवते. यामध्ये समाजासाठी आरोग्यविषयक उपक्रम, आरोग्य जनजागृती कार्यक्रम, कंपन्यांमधील कर्मचाऱ्यांसाठी आरोग्यविषयक उपक्रम आणि आरोग्य तपासणी शिबिरांचा समावेश आहे.
0 Comments